Os tres ían xogar no filial de Terceira división
27 ago 2014 . Actualizado á 23:52 h.O porteiro Felipe Ramos, o central serbio Stefan Deak e o centrocampista Oumar Sidibé, de Burkina Faso, quedaron desvinculados do persoal profesional do Deportivo. O club galego informou da rescisión de contrato dos tres xogadores, aos que agradeceu «os servizos prestados» e deséxalles «o mellor no futuro».
O trío ía a militar no filial de Terceira división ás ordes de Manuel Mosquera, con quen iniciara a pretemporada aínda que xa sabían que ían ser traspasados, cedidos ou rescindidos. Deak, Ramos e Sidibé xa pasaron os 23 anos de idade, co que non podían xogar no primeiro equpo con ficha do filial.
Con eles xa son seis os xogadores que se desvincularon do equipo galego este mes, no que tamén deixaron de pertencer ao Deportivo os dianteiros Javier Arizmendi, Borja Bastón e Rudy.
Felipe Ramos, que se formou no Real Madrid e foi incorporado no 2010, proclamouse campión de Europa sub-19 no ano 2007. Tamén no 2010 chegou ao Deportivo Stefan Deak, que despois marchou cedido ao Rishon de Israel e o Siófok húngaro. O seu momento de gloria foi no Teresa Herrera do 2013, cando dous goles seus déronlle o título ao Dépor.
Mentres, Sidibé foi incorporado polo conxunto coruñés para a súa filial no 2012.