O conselleiro de Medio Rural visitou o municipio para avaliar posibles zonas para plantar
09 ene 2024 . Actualizado ás 17:04 h.A Xunta aprobou no seu día o Programa estratéxico do castiñeiro, que se enmarca no Plan forestal de Galicia 2021-2040. O obxectivo do mesmo é recuperar 8.000 hectáreas de soutos tradicionais e plantar outras 16.000 para a produción de madeira e castañas. En principio incluíronse, no caso da provincia de Ourense, zonas de Parada de Sil, O Bolo e A Veiga.
O municipio de Laza podería incorporarse aos concellos seleccionados. O conselleiro de Medio Rural, José González, visitou a semana pasada en compaña do alcalde, José Ramón Barreal, unha posible zona para realizar plantacións de castiñeiros. O programa do castiñeiro inclúe 36 actuacións en cinco eixos de intervención, que abarcan desde a aposta pola planificación e investigación ata a mellora da competitividade e do valor engadido das empresas.