Vos Areeiros leva os viños da IXP Ribeiras do Morrazo ata Dinamarca e Noruega

Guillermo Martínez, propietario da adega Vos Areeiros, en Vilaboa, e portavoz da IXP Ribeiras do Morrazo, foi un dos impulsores do recoñecemento oficial dos viños do seu municipio e os de Pontevedra, Marín, Bueu, Cangas, Poio e Redondela, agrupados todos na indicación xeográfica protexida. A IXP Ribeiras do Morrazo agrupa a cinco adegas ademais da súa: Mosteiro de Poio, Reboraina (Redondela), Videiras do Mar (Cangas), Ardán (Marín) e Costas (Moaña). Fornécense dos seus propios viñedos e tamén de múltiples pequenos produtores ou viticultores dos concellos da IXP.

Vos Areeiros é unha destas empresas de carácter familiar e que foi crecendo co paso dos anos. Guillermo Martínez explica que os seus clientes son principalmente de Galicia e outras zonas de España, pero engade que os seus viños lograron saír das fronteiras nacionais e envía todos os anos varios palés ao outro extremo de Europa, máis concretamente a Dinamarca e Noruega, e este ano tamén a Inglaterra.

O propietarios de Vos Areeiros indica que todos os anos participa en eventos a nivel galego para promocionar os seus caldos. «Aquí en Silleda hai sempre importadores destes países e algunha cousa sempre sae». Aos países escandinavos, Martínez indica que exporta Albariño. Non só Areeiros ten unha crecente proxección internacional. Guillermo Martínez engade: «Reiboraina, en Redondela, tamén manda algo a Estados Unidos». En España, o mercado concéntrase en Madrid e Andalucía e tamén a cornixa cantábrica, desde Asturias ao País Vasco. A maior demanda segue sendo tamén o Albariño.

O propietario de Vos Areeiros indica que no seu caso aínda non empezou a vendima porque a estas alturas do mes «a acidez e o grao andan xustiños» na súa vertente do Morrazo que mira á ría de Vigo e que, cre que aínda tardará unha ou dúas semanas en recoller toda a uva das parras. Augura unha boa colleita e agradece as choivas porque a melloran aínda máis. «Á uva con estas chuvia está máis hidratada porque esta auga veulle de marabilla e para min se parase agora sería o ideal», sostén.

Apunta Martínez que non é tampouco bo que haxa exceso de choivas ata que se recolla toda a colleita para evitar que apareza a «podremia dá uva», un problema que bota a perder os acios e que ten o nome científico de botrytis. No entanto, cre que poderá collela antes: «Por agora aguanta ben».

---

---

---