Galicia vendimió a terceira colleita vitícola máis abundante da súa historia
SOMOS AGRO
Viticultores e adegueiros recolleron 51 millóns de quilos de variedades brancas e 12,8 de tintas
20 novs 2019 . Actualizado ás 10:53 h.63.906.700 quilos de uva é a cifra exacta que deixa a vendima do 2019, segundo o documento da consellería. Deles, 51 millóns correspóndense con variedades brancas, deixando claro que estas son as hexemónicas na comunidade. Os outros 12,8 millóns son de tintas, Por denominacións, Rías Baixas segue á cabeza no que a cantidade se refire, aínda que non é esta unha colleita que se caracterice pola súa abundancia. 32,4 millóns de quilos recolleron en terras do albariño, o que supón un pouco máis da metade do total de uva vendimiada na comunidade. Séguelle O Ribeiro, con 11,8 millóns de quilos. E en terceiro e cuarto posto están Ribeira Sacra (7,2 millóns de quilos) e Valdeorras (6,8 millóns), mentres que Monterrei pecha a clasificación con 5,6 millóns de quilos de uva. O informe destaca que estas tres últimas denominacións aumentaron notablemente a cantidade vendimiada, colocándose por amais da media do último decenio. De feito, tanto en Ribeira Sacra como en Monterrei recolleron este ano a produción máis abundante da súa historia. Rías Baixas, en cambio, considera que a colleita deste ano resultaralle insuficiente para poder atender a demanda dos mercados.
