Os Bombeiros de Santiago rescatan a un bebé que quedou encerrado nun coche
SANTIAGO CIUDAD
A nai, que foi a que chamou ás emerxencias, deixouse as chaves postas e o vehículo pechouse
02 may 2025 . Actualizado á 18:16 h.Os Bombeiros de Santiago tiveron que rescatar a un bebé que se quedou encerrado nun coche. Os feitos producíronse pouco antes das cinco da tarde cando a nai do pequeno estacionou na rúa Emilio e Manuel, no barrio do Restollal e fronte ao El Corte Inglés. Sen darse conta, deixouse as chaves postas no vehículo e cando se dirixiu ao asento traseiro para sacar ao neno deuse conta de que as portas se pecharan e que xa non podía acceder ao interior.
Foi a propia nai a que chamou de inmediato aos servizos de emerxencias. O 112 Galicia mobilizou á Policía Local e aos Bombeiros de Santiago, que rapidamente acudiron e foron capaces de rescatalo en pouco tempo e sen maiores problemas.
O bebé estaba tranquilo e non choraba, polo que os Bombeiros puideron traballar con tranquilidade e sen causar desfeitas ao vehículo. Utilizaron unhas cuñas para abrir un pequeno oco nunha dos portelos e posteriormente empregaron uns útiles especiais que lles permitiron desbloquear e abrir a porta.