O nuncio papal e o custodio de Terra Santa asistirán á inauguración de «Tesouros reais»
SANTIAGO CIDADE
A mostra, que recolle obxectos de incalculable valor artístico, ábrese ao público o venres na Cidade da Cultura
20 mares 2024 . Actualizado ás 05:00 h.O nuncio do papa en España, Bernardito Auza, e o custodio de Terra Santa, Francesco Patton (máximo responsable da institución que garda desde hai 800 anos os santos lugares en Xerusalén) asistirán mañá en Santiago á inauguración da exposición Tesouros reais. Obras mestras do Terra Sancta Museum na Cidade da Cultura.
Tamén estarán o arcebispo de Santiago, Francisco José Prieto, e o seu homólogo de Mérida-Badaxoz, José Rodríguez Carballo, entre outras autoridades eclesiásticas. O conselleiro de Cultura en funcións, Román Rodríguez, manifestou que «será a primeira vez que se poida ver en España un dos grandes tesouros históricos e artísticos do mundo e temos a honra de que sexa en Galicia, grazas á importancia de Santiago no cristianismo». A mostra ábrese ao público a partir do venres, e inclúe obxectos de incalculable valor artístico en ouro, prata e pedras preciosas.