Un condutor sofre unha parada cardíaca na AG-56 e ten un accidente que deixa grandes retencións

Un condutor que circulaba pola AG-56 á altura de Conxo, en Santiago , sufriu unha saída de vía na que resultou ferido e o accidente provocou ademais importantes retencións na autovía. O incidente produciuse sobre as 14 horas e todo apunta a que a vítima sufriu unha parada cardíaca que foi a que fixo que perdese o control do automóbil.

Ante a delicada situación do condutor, Urxencias Sanitarias tivo que mobilizar a un dos seus helicópteros medicalizados para axilizar ao máximo o traslado do accidentado ata o hospital. O 112 Galicia mobilizou tamén aos Bombeiros de Santiago, á Garda Civil, a Policía Local e aos membros da agrupación local de Protección Civil.

---

---

---