O contrato do SAF convértese no de maior contía de todos os servizos que presta o Concello
13 jul 2025 . Actualizado á 05:05 h.O pleno do Concello de Rois aprobou iniciar o proceso de licitación do Servizo de Axuda non Fogar (SAF) a persoas dependentes valoradas do municipio, cos votos a favor do grupo de goberno (PP), a abstención do BNG e en contra do PSdeG. A licitación faise por un período de dous anos e con posibilidade de prórroga doutro, cun custo anual de 601.120 euros, impostos incluídos, para un máximo de 25.000 horas ao ano de atención.
Co importe desta licitación, o contrato do SAF convértese no de maior contía de todos os servizos que presta o Concello de Rois. Para sacar a licitación, o goberno local contratou un estudo económico para determinar os custos asociados ao servizo, ademais de contar cun informe de Servizos Sociais. Rois ten asignadas actualmente 23.592 horas anuais de atención.