Os bombeiros excarceran a un condutor que envorcou no Pino e un helicóptero trasládao ao hospital
O Pino
O ferido quedou atrapado no interior do vehículo e tivo que ser liberado polo teito
13 mares 2024 . Actualizado ás 19:49 h.Un condutor que perdeu o control do seu vehículo e acabou envorcando sobre a calzada no Pino tivo que ser excarcerado e trasladado ao hospital nun helicóptero medicalizado de Urxencias Sanitarias.
O accidente de tráfico produciuse sobre as 13.30 horas, cando o 112 Galicia recibiu o aviso de que un sinistro cun único coche implicado pero que envorcara e o seu condutor estaba atrapado no interior.
O centro de atención ás urxencias mobilizou aos bombeiros do parque comarcal de Arzúa , que tiveron que empregar material de excarceración para poder liberar ao ferido a través do teito do vehículo. Os efectivos permaneceron despois no lugar do accidente para realizar tarefas de limpeza e recoller restos do coche que quedaran sobre a calzada.
Ademais da os bombeiros de Arzúa, o 112 informou tamén ao parque municipal de Santiago e á Garda Civil de Tráfico.