O Negreira logra o título e o ascenso á Preferente Galicia e o Ordes xogará a promoción
NEGREIRA
Un triplete de Damián Otero (Flavia) convértelle en pichichi do campionato con 29 tantos, por diante dos 26 de Alberto Fraga (Tordoia) e os 24 de Gonzalo Suárez (Negreira)
19 may 2024 . Actualizado á 21:41 h.O Negreira, cun gol de Alberto Freire aos 13 minutos de xogo, asinou o ascenso á Preferente Galicia. O conxunto rojillo venceu por 0-1 á Estrada no Manuel Regueiro, no último partido da tempada do grupo segundo da Primeira Galicia. O Negreira logrou o título con tres puntos máis que Puebla e Cordeiro, que xogarán o play off de ascenso. O Puebla venceu por 4-2 ao Esteirana e o Cordeiro superou por 0-1 ao Tordoia.
O partido máis entretido da xornada foi o que disputaron Calo e Baio, en Rebordelo. Marcáronse dez goles: 5-5. Con todo, o pichichi do campionato xogou no campo da Deportivo Unión de Asados. Alí gañou o Flavia por 1-4, cun hat-trick de Damián Otero, que acabou o curso con 29 tantos, polos 26 de Alberto Fraga (Tordoia) e os 24 de Gonzalo Suárez (Negreira).
No grupo primeiro, Carral e Ordes disputarán a promoción de ascenso. Os ordenses non fallaron e venceron por 4-2 ao Relámpago no campo municipal de Vista Alegre. Pablo Mouriño marcou dous. Brais Bouzas e Iván Calvo anotaron os outros dous.