Vitorias de Ordes, Bertamiráns e Tordoia; e derrotas de Boimorto, Negreira, Flavia e Praíña
NEGREIRA
O equipo de Adrián Vázquez desaproveitou a oportunidade de sentenciar a liga despois do empate entre Puebla e Cordeiro (1-1), os seus dous únicos perseguidores
08 abr 2024 . Actualizado á 18:31 h.O Negreira desaproveitou unha oportunidade de ouro para deixar case sentenciada a liga e o ascenso no grupo segundo da Primeira Galicia. O equipo rojillo perdeu contra todo prognóstico no campo de Arasolis fronte ao Fisterra (3-1). Puebla e Cordeiro, os seus dous inmediatos perseguidores, asinaron as táboas (1-1). Agora, o Negreira, con 95 goles a favor, avantaxa en cinco puntos a Cordeiro e Puebla cando só restan seis xornadas para o final. Ao conxunto de Adrián Vázquez le espera un calendario moi alcanzable, no que deberá visitar aos dous pechacancelas da clasificación. O tanto da honra do cadro negreirés foi obra de Gonzalo Suárez, que segue segundo na loita polo pichichi, con 19 goles, tras o dianteiro do Tordoia Alberto Fraga, que suma 20.
Nesta xornada 28, o Bertamiráns derrotou á Agolada (2-1), o Tordoia superou a domicilio ao Cruzamentos (0-2) e o Calo fixo táboas no campo carballés do San Lorenzo (0-0). Pola contra, regresaron a casa sen premio o Flavia (3-2, no campo do Esteirana) e o Praíña (2-1, na súa visita a Cabo de Cruz fronte ao Valiño).
Cinco goles do Ordes
No grupo primeiro non defraudou o duelo do municipal de Vista Alegre entre o Ordes e o Boimorto. Gañou o conxunto verde por 5-2. O Ordes adiantouse cun claro 3-0, con tantos de Samuel Fariñas (sexto da tempada), Román Gende e Pablo Mouriño (leva 10 neste curso). Luisito e Chustas apertaron o marcador (3-2), pero Samuel Ríos (sexta diana da campaña) e Román Gende, no minuto 90, estableceron o 5-2.
Mentres, o Tordoia venceu (0-2) ao Cruzamentos no municipal de Camballón, con tantos de Diego Liste e o pichichi Alberto Fraga. O Bertamiráns superou á Agolada (2-1) con goles de Fabricio Lopes, na recta final do primeiro tempo, e Eloy Ozores, no minuto 90. Ambos os futbolistas suman sete tantos está tempada.
Picou o Flavia
Miguel Gato marcou para o Praíña, que perdeu no campo do Valiño (2-1), e os dous goles na inesperada derrota do Flavia (3-2, no Xosé Luis Vara de Esteiro) levaron a firma de Jorge Rama, que contabiliza 11 na competición. No campo dAs Pedreiras de Verdillo, en Carballo, San Lorenzo e Calo repartíronse os puntos sen mover o marcador (0-0).