Na gala recoñecéronse a deportistas de diferentes modalidades, que residen no municipio
11 may 2025 . Actualizado á 05:00 h.Ames honra ao deporte
A Gala do Deporte do Concello de Ames cumpriu dezasete edicións co recoñecemento a deportistas do municipio que destacaron en distintas disciplinas. Nesta ocasión os premios principais corresponderon a Blanca Millán e a Guillermo Carracedo, cun recordo especial a Jorge Pérez Fernández, do Club ciclista Vos Esfola Arrós. O Real Aero Club de Santiago recibiu o premio como entidade colaboradora, mentres que a atleta Emma Méndez Martínez exerceu como madriña desta gala. A listaxe de premiados completárono José Fernando Sáinz, Nicolás Collazo, Olivia Parga e o club F.C. Meigas. A gala promovida polo Concello destaca a traxectoria de deportistas do municipio e, sobre todo, busca incentivar a práctica do deporte a calquera idade, como destacaron o alcalde, Blas García, e a edila de Deportes, Susana Señorís.