A Asociación de Empresas Galegas de Software Libre loita día tras día para lograr maiores oportunidades de negocio ao redor de solucións e tecnoloxías de código aberto en Galicia.
18 oct 2010 . Actualizado á 23:21 h.Hai tres anos, 12 empresas galegas que traballaban ao redor do uso, distribución e fomento de solucións informáticas baseadas en código aberto, seguindo a tendencia doutras comunicdades autónomas, crearon a Asociación de Empresas Galegas de Software libre (Agasol). Na actualidade son xa 28 integrantes á espera de incorporar novos socios.
-Cales son os obxectivos da asociación?
-Desde Agasol queremos promocionar o software libre como ferramenta válida para desenvolver a sociedade da información en Galicia; actuar como interlocutores ante a administración pública galega para apoiala e asesorala no proceso de migración e implantación de software libre e estándares
abertos; e fomentar e organizar a colaboración entre os nosos socios, de maneira que poidan facilitarse e xerarse novas oportunidades de negocio.
-Que vantaxes ofrece o software libre fronte ao propietario?
-A creación de coñecemento nunha sociedade e que non todo ese coñecemento quede nunhas poucas/pouas empresas é unha das súas principais vantaxes. A curto prazo a adopción de software propietario pode non parecer xerar inconvenientes, xa que se resolve un problema de forma rápida e práctica, pero a
longo prazo cobra unha importancia estratéxica para o desenvolvemento dun sector como é o das TIC en Galicia. Grazas ao software libre, podemos destacar a independencia á hora de escoller provedor, o que tamén implica un maior soporte sobre unha solución evitando monopolios, permitindo unha libre competencia en igualdade de condicións.
-Como se pode contrarrestar a idea de que é algo meramente altruísta co que non se pode gañar diñeiro?
-Leste un negocio rendible pero con falsos mitos, como pensar que é gratuíto ou regalado. As empresas cobran por horas de desenvolvemento dun determinado produto; se é un produto existente faise unha análise, unha consultoría e unha adaptación. O software libre adoita basear o seu modelo negocio nos servizos adicionais que o software ofrece (SAas); que haxa negocio é imprescindible para que empresas se fixen nel e non pare de evolucionar.
Ademais, o diñeiro gastado en software libre nunha rexión queda nela e destínase a desenvolver tecnoloxía e formar profesionais de alto nivel, en contraposición á gran maioría de licenzas privativas nas cales o 80% do seu prezo vaise a Estados Unidos ou outros paises.
-Cal é o nivel de desenvolvemento do software libre en Galicia?
-Podemos entender que evolucionou favorablemente nos últimos anos, sobre todo grazas ao impulso recibido desde a administración para favorecer a súa implantación, tanto na propia administración como nas empresas. En Galicia queda constatado que si hai negocio: algunhas das nosas empresas están a traballar a nivel internacional (en países como Estados Unidos, Gran Bretaña ou Finlandia), a maioría a nivel nacional en nichos de mercado moi diversos, a pesar do actual contexto de crise económica. Tamén na asociación fóronse creando grupos de traballo para compartir ideas e proxectos.
-E o grao de implantación?
-A situación tamén mellorou moito. Hai pouco tempo nos pregos e axudas pedíase ou favorecía o uso de produtos privativos, mentres que a día de hoxe cada vez máis organismos dan pasos a favor deste tipo de solucións.
-Que proxectos se están desenvolvendo na actualidade?
-Entre os máis destacados está a creación dun centro demostrador de solucións para pemes, que permitirá presentar as posibilidades de uso do software libre e contribuirá a reducir a reticencia de moitas entidades a usar ese tipo de aplicacións. Así mesmo, os 14.000 ultraportátiles do programa
Abalar ?para a implantación das novas tecnoloxías na educación? estarán equipados con sistema operativo GNU/Linux e un paquete ofimático de software libre e de fontes abertas. Existen ademais diferentes iniciativas tanto no ámbito universitario, a través das oficinas de software libre que teñen as universidades galegas, como no ámbito asociativo, a través das asociacións galegas de usuarios e desde Agasol. O alcance desde o punto de vista pragmático é impulsar e incrementar o seu uso por parte de cidadáns, administración e empresas.
-Que necesítase para a súa promoción?
-Unha maior difusión, co apoio das administracións. Por iso, a curto prazo, e con financiamento da Secretaría Xeral de Modernización e Innovación Tecnolóxica, organizaremos unhas xornadas sobre solucións empresariais en software libre e outra específica sobre modelos de negocio baseados
en solucións TIC en código aberto. Tamén imos poñer ao dispor das pemes galegas unha ferramenta de comercio electrónico á que daremos soporte e ademais un catálogo de produtos, tecnoloxías e solucións en código aberto.
-Por que cre que non se inviste máis en software libre?
-A maior parte dos partidos políticos apóiano nos seus programas, como un modelo produtivo importante fronte ao software propietario. Pero levar a cabo unha aposta por este tipo de solución é moi complicado. Ten unha serie de problemas, como son a existencia doutro tipo de software, ou a transversalidade das diferentes institucións, co cal sería unha aposta a longo prazo e con moitas partes que terían que poñerse en común.
-As persoas, máis aínda as empresas, pensan que a utilización de software de pago garante maior estabilidade e seguridade. Como se pode cambiar esa mentalidade?
-O software libre en moitos casos supera o propietario, o que ocorre é que o usuario o emprega sen sabelo. Aí están casos como Apache ou Firefox, que moitas empresas utilizan como navegador principal, e que por descoñecemento ou falta de información non saben que é software libre. A mentalidade neste tipo de solucións está a cambiar desde a base. Institutos, universidades e asociacións de usuarios permiten que a xente que se incorpora
ao mercado laboral coñeza os seus beneficios e pense en implantar estas solucións. Nas empresas hai que logralo mediante accións de
difusión e consultoría.
?Cal é o nivel de formación de profesionais no sector en Galicia?
?Moi alto. As empresas de Agasol nútrense de profesionais formados aquí e titulados en calquera das tres universidades galegas. Polo xeral, o persoal nas empresas da nosa asociación é estable e con baixo nivel de rotación. Doutra banda, as asociciones de usuarios e ofi cinas de software libre axudan a que estudantes, profesores e cidadáns en xeral fórmense neste tipo de tecnoloxías. Para rematar, cabe destacar dúas iniciativas: o Máster de Software Libre da empresa Igalia e outro na Universidade de Vigo que conta co apoio económico da SXMIT.
?Que fai falta para que se estenda o uso de software libre na administración?
?O primeiro que fai falta é tempo para que se consoliden este tipo de solucións. A administración pública é o maior contratista a nivel galego, por tanto, se cada vez máis nos pregos cóntase con este tipo de solucións, contribuirá a fortalecer o sector TIC rexional, logrando que cada vez máis
empresas e usuarios empréguenas e demanden.