Juan Carlos I aterrou en Lavacolla e chegou á capital turística das Rías Baixas a última hora da tarde
15 may 2024 . Actualizado á 18:27 h.Pouco antes das oito da tarde, o rei emérito volvía de novo a pisar chan galego. Apenas un mes despois de que Juan Carlos I visitase Sanxenxo para arroupar á tripulación do Bribón na segunda regata da liga nacional da clase 6 metros, está de volta. Nesa ocasión, o monarca non participou na proba e agora queda por saber que fará esta fin# de semana na terceira xornada da competicón.
Preto das oito e media deste martes, o rei emérito chegaba á casa de Pedro Campos acompañado polo seu anfitrión, que como e é habitual foi recollelo ao aeroporto. Igual que sempre, limitouse a sonreir e saudar coa man aos xornalistas que agardaban na estrada que dá acceso á residencia do seu amigo en Nanín.
Non hai habido sorpresas neste desprazamento e Juan Carlos I aterrou en Lavacolla procedente de Vitoria, onde adoita someterse a algún recoñecemento médico cando visita España. O peche por obras de Peinador cambiou a súa ruta habitual nas súas viaxes ás Rías Baixas.
Nesta ocasión, a súa chegada a Galicia case coincide coa visita que a raíña Sofía fixo o pasado luns a Lugo, onde viaxou para coñecer o funcionamento do Banco de Alimentos da cidade. Juan Carlos I, con todo, está previsto que permaneza en Sanxenxo ata o vindeiro domingo, pero segue sendo unha incógnita os seus plans nas Rías Baixas. Cada vez son máis escasas as súas saídas, pero séguese mantendo fiel ás súas visitas a Náutico de Sanxenxo e ás saídas para cear con algún membro da súa familia. O pasado mes de marzo acudiu onda a infanta Elena ao restaurante Ribadomar, de Cambados, e pediu un salpicón de lumbrigante e as recomendacións do cociñeiro e dono que se mostrou encantado de telo no seu local. Pero tamén se lle viu en Culler de Pau, restaurante con dúas estrelas Michelin de Javier Olleros no Grove, onde estivo acompañado da súa irmá, a infanta Margarita; o marido desta, Carlos Zurita; e a súa filla María Zurita.
A súa contorna máis próxima insistiu en que cada vez as súas visitas serán máis frecuentes ata que se normalice a presenza do rei emérito en Sanxenxo. A frecuencia deste 2024 lembra á rutina que tiña antes de que se trasladase a Abu Dabi. En cada estancia garda un perfil baixo despois de que a súa primeira visita a España tras mudarse á capital das Rías Baixas xerase moita polémica pola súa actitude e a súa controvertida resposta «Explicacións, de que?», ao preguntarlle se daría os motivos que lle levaron a trasladarse a Abu Dabi.