Detido en Pontevedra por tirar á súa parella por unhas escaleiras

O pasado 9 de xaneiro, a Policía Local de Pontevedra detivo a un veciño da cidade do Lérez de 40 anos por empurrar á súa parella, duns 33 anos, que se caeu por unhas escaleiras. Considéraselle autor de un presunto delito de violencia machista.

Segundo apuntaron desde o Concello de Pontevedra, os feitos tiveron lugar nun establecemento da cidade ao redor das 8.30 horas. A vítima relatou, segundo recolle o parte policial, que ambos mantiveron unha fuerte discusión en presenza do seu fillo menor de idade. Nun momento dado, «o detido empurrou á muller que caeu por unhas escaleiras que daban ao soto do local».

Como consecuencia da caída, a pontevedresa sufriu lesións en distintas partes do corpo.

Dáse a circunstancia de que unha compañeira de traballo do arrestado foi a persoa encargada de apartar ao neno da discusión.

---

---

---