A proba sairá o martes de Combarro e terá meta en Mos
08 sep 2025 . Actualizado á 05:00 h.O sindicato CSIF denuncia a «grave falta de medios humanos cos que o goberno de Poio pretende afrontar a seguridade viaria dA Volta». A proba ciclista, que este luns descansa xa en Pontevedra, tomará mañá a saída en Combarro e chegará a Castro Herville, en Mos, despois de percorrer 168 quilómetros.
Segundo explican desde esta plataforma sindical, só se disporá de tres axentes da Policía Local. A súa función é a de cortar o tráfico en tres cruces da contorna da ponte da Barca. Consideran «insuficiente» esta dotación de persoal par garantir o control de accesos durante a proba que tomará a saída en Poio. Desde o CSIF subliñan que a presenza de só tres axentes non se debe á negativa dos policías para reforzar o servizo, senón a que lles deben horas extras desde o 2024.
O operativo dA Volta a España arrincará ás 11 horas e prolongarase ata as 14.30, franxa na que o sindicato alerta de que «se paralizará o servizo para calquera emerxencia que poida ocorrer». Nas últimas etapas da proba ciclista están a darse situacións moi tensas pola presenza dun equipo israelí. Este domingo, os altercados máis graves producíronse na meta, en Monforte.