![](https://img.lavdg.com/sc/_nVXvwlgzcCC11YFtSBVcC1zBhk=/480x/2022/09/19/00121663595102187428886/Foto/PS20C6F2_154430.jpg)
19 sep 2022 . Actualizado á 18:00 h.
Máis dunha vintena de alumnos do Instituto Arxentino Galego Santiago Apóstolo foron recibidos polo alcalde de Poio, Luciano Sobral. Desde o Concello destacaron que «esta expedición cruzou o Atlántico para realizar a súa tradicional viaxe de estudos a Galicia», de tal modo que visitaron o municipio dando «resposta á invitación que o propio rexedor lles fixera durante a celebración, no pasado maio, dunha videoconferencia organizada polo centro educativo, para lembrar a figura de Florencio Delgado Gurriarán».