Avanza a demolición da vivenda afectada pola deflagración en Marín mentres o ferido continúa en estado moi grave no Chuac na Coruña
MARÍN
O Concello mantén cortado o tramo de Méndez Núñez mentres se realiza a derriba
10 sep 2025 . Actualizado á 14:59 h.O Concello de Marín confirmou que xa se están executando os labores de emerxencia para demoler a vivenda afectada pola deflagración ocorrida este martes na rúa Méndez Núñez. A deflagración, provocada presuntamente por unha bombona de butano, deixou graves danos estruturais no inmoble, que será derrubado para evitar riscos aos veciños e viandantes.
En canto aos afectados, o home que se atopaba no interior da vivenda continúa ingresado na unidade de queimados do Chuac, na Coruña, en estado moi grave, mentres que a viandante que sufriu danos auditivos foi dada de alta.
O suceso xerou gran preocupación no barrio, onde aínda se perciben os efectos do estalido. A vivenda danada, construída en pedra e composta por tres niveis está situada á altura do número 80, entre dous edificios de maior altura. A zona permanece acordoada e baixo vixilancia.