Piden en Caldas usar un toque especial de campás para avisos de desastres
PONTEVEDRA
A asociación Terra Calda cuestiona os sistemas automáticos que empregan sirenas porque, di, non escoitan con nitidez na localidade
27 ago 2025 . Actualizado á 05:00 h.En Caldas de Reis moitos lembran o incendio de Brenntag, que o 1 de setembro do 2006 tinguiu de azul o río Umia. Na localidade conviven cun encoro. A eses aspectos referiuse indirectamente a asociación Terra Calda a fin de semana durante uns actos de divulgación do toque manual de campás. O seu presidente, Francisco Froján, afirmou que ese toque manual está a perderse en favor de sistemas electrónicos. Uns sistemas automáticos que empregan sirenas para anunciar un simulacro de emerxencia na vila, pero que non escoitan con nitidez. Con todo, as campás da igrexa parroquial pódense escoitar «en todos os recunchos do pobo». Por iso, o colectivo suxire ás autoridades civís que, de acordo coas relixiosas, establezan un toque especial para casos excepcionais de desastre, «cun sinal final para indicar se se trata dunha fábrica, do encoro ou doutra situación de emerxencia». Haberá que ver se a proposta é recollida polo Concello de Caldas ou a Xunta.