Michenlo e Alcalá Norte súmanse en Pontevedra ao cartel do Río Verbena Fest
PONTEVEDRA
A organización do festival sinalou que aínda faltan as últimas confirmacións
15 jun 2024 . Actualizado á 05:00 h.A organización do Río Verbena Fest, que terá lugar a beiras do Lérez o 23 e 24 de agosto, anunciou este venres dúas novas incorporacións ao seu cartel: Alcalá Norte e Michenlo.
En total serán dezasete os artistas deste «ecléctico cartel» que conxuga «grandes nomes da historia do pop e indie nacional, xunto con figuras máis clásicas e tamén mainstream». Iso si, remarcaron que aínda faltan as últimas confirmacións, de tal modo que o venres actuarán, polo momento, Viva Suecia, Siloé, Mikel Erentxun, Vicco, Michenlo, Four Passengers, Son Dás Tabernas. Pola súa banda, o sábado tocaralle a quenda a Amaral, Lori Meyers, Os Zigarros, Sarria, Baiuca, Alcalá Norte, Nebulossa, Galician Army, Blackstones e Mamasunción.
Desde Río Verbena Fest destacaron que os madrileños Alcalá Norte lograron « unha síntese de sons que evoca a diversidade de influencias que os marcaron: desde o melancólico eco de Joy Division e a solemnidade do heavy metal ata o pop naïve de mediados os noventa, valéndose case sempre da enerxía crúa do punk e de certos bakalaos. A banda converteuse no máis recente fenómeno de redes, chegando a ser recomendados pola mesma Rosalía».
Pola súa banda, o pontevedrés Michenlo é un DJ e creador de contido que no 2022 lanzou «o seu primeiro sinxelo onda Kurd Maverick, co que logra os 2 millóns de escoitas. A partir de aí empezou a ser cabeza de cartel e a actuar en festivais importantes».