A Deputación de Pontevedra homenaxea a ilustradores e editoriais infantís polo Día do Libro

Baixo o lema da desCuberta dous libros, a Deputación de Pontevedra celebrará este martes, 23 de abril, o Día do Libro cun contacontos no Pazo Provincial. En paralelo, poranse en marcha propostas dixitais para os máis pequenos.

Deste xeito, búscase «conmemorar esta efeméride homenaxeando á infancia, aos primeiros lectores, aos primeiros libros que collemos e á sensación que se ten cando acontece a descuberta dos libros», precisaron desde a Administración provincial. Isto explica que na programación desta efeméride incídase en , «a importancia da ilustración nas edicións infantís»polo que se optou por render «homenaxe aos ilustradores e ás editoriais de referencia no libro infantil».

Así, o ilustrador Marc Taeger e o contador de contos Caxoto serán os encargados de dirixir Contos debuxados, debuxos contados. Trátase de ».. «unha actividade que une contos e ilustracións para crear un espectáculo cheo de vitalidade, situacións esperpénticas, personaxes inesquecibles, creatividade desbordada e moita diversión

O propio presidente da Deputación, Luis López, e o deputado de Cultura, Jorge Cubela, compartirán esta actividade cos nenos, á vez que «tamén se lles convidará a asistir co seu libro favorito para facer unha lectura conxunta».

Na web institucional

En paralelo, habilitarase na páxina web institucional un espazo con libros infantís recomendados por distintas editoriais galegas para animar aos máis pequenos a descubrir novas lecturas. Pola súa banda, outra das propostas desta xornada, Crea o teu primeiro libro, porá a disposición dos nenos dous «pequelibros ilustrados» para escriban o seu propio conto, de tal modo que «poderán descargalo e pregalo á metade para darlle forma de libro e completar os espazos baleiros para crear a súa propia historia». E, se o desexan, compartilo despois a través de participa.cultura\depo.gal.

---

---

---