Ademais, interpuxéronse outras tres propostas de multa por non empregar os sistemas de retención infantil
03 abr 2024 . Actualizado ás 14:56 h.Un total de 121 condutores e pasaxeiros foron denunciados na provincia de Pontevedra por ». «incumprir a normativa en materia de uso do cinto de seguridade e dos sistemas de retención infantil (SRI)Así o confirmou o subdelegado Abel Losada tras a última campaña de vixilancia impulsada pola Dirección Xeral de Tráfico (DXT), na que foron controlados 5.470 vehículos.
O número de denuncias por non usar o cinto de seguridade foi de 118 —77 condutores, 28 copilotos e 13 ocupantes de asentos traseiros—. Outras tres denuncias foron por menores que non facían uso dos SRI ou facían un uso incorrecto. Dous deles ían nos asentos dianteiros, mentres que o terceiro ocupaba un dos traseiros.
Á vista destas cifras, Abel Losada remarcou que «os resultados constatan unha realidade e é que aínda hai un sector da poboación que segue sen utilizar o cinto cando conduce a pesar das vantaxes que achega e que en caso de sinistro pode determinar a vida ou a morte dunha persoa (...). Parece sorprendente, pero hai que seguir insistindo na necesidade de facer uso destes elementos de seguridade».
A estatística pon de relevo que, se a nivel nacional o 76 % das denuncias tramitáronse en estradas convencionais, esta porcentaxe increméntase ata o 97,5 % no caso de Pontevedra. Desde a Subdelegación do Goberno apuntaron que se trata de .. «un feito preocupante se temos en conta que estas vías seguen sendo as máis perigosas ao ser onde maior número de vítimas mortais se rexistran e onde convén, aínda máis, extremar as precaucións»
A esta campaña sumáronse outros corpos, caso da Policía Local de Poio , que interpuxo cinco denuncias por non facer uso do cinto de seguridade.