«A nosa arte», unha precisa radiografía do feito de ser galego recala en Pontevedra

Alfonso Abelenda, Berta Cáccamo, Manuel Colmeiro, Lodeiro, Maside, Laxeiro, Xaime Quessada, Manuel Moldes, Mercedes Ruibal, Luis Seoane, Sobrino Buhigas... E así ata 37 nomes propios da arte asinan outras tantas obras que desde onte se poden contemplar no Café Moderno de Pontevedra no marco da exposición A nosa arte, unha selección de entre as máis de trescentas obras que conforman a Colección de Arte do Parlamento de Galicia.

Deste xeito, e en palabras de Román Rodríguez, conselleiro de Cultura, a mostra enmárcase «na vontade de dotar de maior apertura ao Parlamento de Galicia e de divulgar o seu patrimonio artístico, ademais de constituír unha homenaxe a todos os que colaboraron a forxar o país que hoxe coñecemos». As pezas configúranse como «máis que nutrida mostra de corenta anos de intensos movementos artísticos en Galicia»unha .

Isto determina que A nosa arte sexa unha «precisa radiografía do feito de ser galego neses últimos 40 anos», engadiu aludindo ao feito de que en Pontevedra «déronse cita algúns dos artistas contemporáneos máis senlleiros e recoñecibles da nosa escena recente, producíndose unha eclosión creativa que merece o seu propio recoñecemento», concluíu Román Rodríguez.

Pola súa banda, o presidente do Parlamento de Galicia, Miguel ÁngelSantalices , mostrouse convencido de que esta exposición é unha visita obrigada por distintos motivos, entre eles o «talento innato desta cidade e polo feito de que nela teña a súa sede a única Facultade de Belas Artes de Galicia e do Noroeste de España. Unha facultade que malia a súa relativa xuventude foi quen de consolidarse entre as mellores, coa excelencia como obxectivo permanente».

---

---

---