Jacobo Senín liderou con soltura a Subida a Vilar de Barrio aos mandos do seu Nova Proto

Jacobo Senín mostrouse intratable co seu Nova Proto nas carreiras cronometradas da Subida a Vilar de Barrio, segunda proba do Campionato Xunta de Galicia de Montaña, que volveu demostrar o interese polo automobilismo en territorio ourensán.

Senín marcou ademais un novo rexistro do trazado na última das súas mangas, ao rebaixalo ata o 1.56.364, sen dar opcións aos seus competidores, comezando por un Alexis Viéitez que rematou segundo a 19.6 segundos, no cómputo final de tempos. A terceira posición sería para Jesús Pombo, que se foi aos 32.7 segundos do primeiro.

Na categoría de Carrozados, a vitoria levouna Jorge Pérez Alonso, coa súa Porsche 991 GT3, ao que situou ademais na cuarta praza da xenerala. Tivo que baterse con Javier

Carballo durante toda a fin de semana, nun pechado duelo, que se resolveu por pouco máis dun segundo. Terceiro foi Manuel Senra, co Peugeot 308.

Entre os carcross, impúxose Alfonso Pisko Ventín. Abraham

Vázquez e Beni Porto escoltárono no podio. Pola súa banda, o bolseiro da Federación Galega de Automobilismo, Mateo García, rematou cuarto en clase 9, reservada para carcross, nunha fin de semana consistente e mellorando os seus cronos en cada manga.

Para rematar, na competición de Regularidade, a vitoria foi para Breogán Abalde e Ángel

Monteagudo, por diante de Sito Cabral e José Manuel Quintas ou Iván e José Antonio López.

---

---

---