![Imagen de archivo del municipio de Vilar de Barrio](https://img.lavdg.com/sc/dfpc1tKFF0VilXZdcw7_ec3Vxow=/480x/2023/09/03/00121693767241689597973/Foto/O10D1029.jpg)
«Non imos a tolerar as insidias, os insultos, menos aínda os machistas, dirixidos as nosas veciñas», aseguran o Concello e os veciños nun manifesto que se leu durante a concentración
04 sep 2023 . Actualizado á 05:00 h.Este domingo, o municipio ourensán de Vilar de Barrio acolleu unha concentración como protesta por unhas pintadas ameazantes e insultantes contra as mulleres aparecidas no vila de Bóveda. Segundo explica o goberno local, as pintadas realizáronse en propiedades privadas e tamén en estradas. «Son feitos e palabras moi graves. Son violencia, fronte a que compre reaccionar», sinalan. O comunicado que se leu durante a concentración veciñal destaca que os veciños de Bóveda, do mesmo xeito que o do resto dos que conforman o municipio, son «pobos amigables e respetuosos. Por elo, debemos alzar a voz e dicir que estes comportamentos son intolerables».
O Concello sinala que como institución, e co respaldo do resto de veciños, non «vamos a tolerar as insidias, os insultos, menos aínda os machistas, dirixidos as nosas veciñas coa pretensión de amedrentar, de condicionar as súas vidas e de facelas sufrir».