A Xunta márcase o obxectivo de ter rematada a mellora do viario este ano
24 may 2021 . Actualizado ás 17:59 h.A Consellería de Infraestruturas e Mobilidade recibiu seis ofertas de empresas que desexan executar as obras de acondicionamento da estrada OU-129 ao seu paso polos municipios da Veiga, Viana do Bolo e O Bolo. O investimento previsto pola Xunta de Galicia para esta actuación é de 1,2 millóns de euros e a intención do goberno autonómico é que as obras poidan comezar este verán para estar rematadas antes de que remate o ano. Grazas a este proxecto mellorar o firme en dez quilómetros de trazado, ademais doutras actuacións para adecuar o viario.