O sospeitoso pagará unha multa tras beneficiarse dos atrasos que sufriu a tramitación da causa
01 jul 2025 . Actualizado á 05:00 h.Unha pelexa ocorrida o día de Nadal do ano 2018 resólvese xudicialmente sete anos despois. Un acusado que lle deu unha malleira a outro home co que se atopou nun bar de Verín admitiu agora a súa responsabilidade no incidente, aceptando un acordo de conformidade no que se tivo en conta, en favor do sospeitoso, o tempo transcorrido desde o incidente.
Así o recolle a sentenza, na que se dá por probado que tras atoparse vítima e sospeitoso no local, desatouse entre eles unha discusión que fixo que ambos saísen á rúa. Xa no exterior, o investigado comezou a golpear ao outro home, propinándolle unha puñada na cara e tirándoo ao chan, onde continuou dándolle patadas.
Como consecuencia dos golpes o ferido tivo que ser trasladado ao hospital de Verín, onde lle tiveron que pór puntos nunha cella. Ao acusado atribuíaselle un delito de lesións polo que inicialmente se pedían penas de cárcere pero dado o tempo transcorrido aplicóuselle a atenuante de dilacións indebidas. Saldará as súas conta abonando unha multa de 1.500 euros.