O Festival de Curtas propón actividades paralelas ás proxeccións cada día ata o domingo
31 ago 2022 . Actualizado ás 05:00 h.Unha nova edición do FIC de Verín arrincou este martes e as actividades non van parar de sucederse. Este mércores haberá tres citas coas curtametraxes e todas eles no auditorio municipal. Ás 18.45 horas proxéctanse os tres curtos da categoría Horizontes 1. Ás 20.30 van os tres da da Raia 2 e ás 22.00 os da Raia 1. Pola noite, na Zona Roombo gravarase o podcast de Irmandades dá Cortello a partir das 21.00 horas.
O xoves, ademais das proxeccións de curtos, haberá varias actividades paralelas. A narradora oral Raquel Queizás actuará para os máis pequenos co seu espectáculo «Sopa cómica», no que repasa a historia do cine. Será en dúas sesións, ás 10.00 e ás 12.00 horas no Auditorio de Verín. Ás 20.30 horas, no mesmo espazo, será o momento de homenaxear ao entroido. A sesión, na que se sucederán proxeccións de curtametraxes protagonizadas por esta celebración tan arraigada ao municipio, rematará cun rodado nos setenta en Laza .
Ás 22.00 horas, na Zona Roombo comezará unha cata de cervexa artesanal con picada de varios disyoqueis.