A Casa de Oficios do Concello ten aberto o seu prazo de inscrición para o próximo curso
17 ago 2023 . Actualizado ás 05:00 h.O domingo 27 de agosto, a praza do Concello de Taboadela será escenario da primeira edición da feira e mercadillo de artesanía que organiza a Concellería de Cultura municipal. Neste mercado de artesanía haberá pezas de cerámica, pintura, cestería, macramé, marroquinería ou coiro, elaborados por distintos artesáns, produtos de alimentación gourmet ou mel natural. Tamén haberá unha mesa solidaria e demostracións de técnicas de creación de bonsáis, de tecido -a gancho ou calceta- ou de fabricación de xabóns e de velas.
Son precisamente estas técnicas artísticas e de manualidades algunhas das que se imparten nos cursos e talleres da Casa de Oficios de Taboadela. O ano pasado os alumnos que participaron nalgunha das formacións xa elaboraron este tipo de artigos, que se exporán nun dos postos da feira. A Casa de Oficios ten aberto o prazo de inscrición para o novo curso 2023-2024, que comezará en outubro. Esta feira do próximo domingo organízase por primeira vez e agárdase que teña continuidade para dar visibilidade á artesanía en xeral e á actividade da propia casa de oficios.