O PSOE de Taboadela suma ao concelleiro de Cidadáns ao seu proxecto para a maioría absoluta
TABOADELA
Álvaro Vila substituíu a Manuel Gallego na alcaldía, tras máis de corenta anos de goberno do PP
20 may 2023 . Actualizado ás 05:00 h.Os veciños de Taboadela (1.471 habitantes) acudirán á urnas o 28M coa posibilidade de votar por tres formacións: PSOE, PP e a candidatura veciñal VE-TA. Actualmente gobernan os socialistas co 42 % dos votos e catro concelleiros. O PP conta con tres edís, Cidadáns cun e VE-TA con outro.
O rexedor socialista, Álvaro Vila, explica que nos comicios do 28M engádese á súa lista o edil de Cidadáns, sumando así os seus apoios: «A colaboración nestes anos foron espléndida e con moito entendemento». Sobre o futuro, Vila explica que foron catro anos de intenso traballo, tras ter que dar unha volta a un concello gobernado durante 47 anos polo popular Manuel Gallego, que foi alcalde desde 1979 ata o 2019.
«En municipios como o noso, con poucos medios, hai que traballar moitísimo. Anualmente presentamos uns vinte proxectos para conseguir subvencións e se cadra saen sete, pero o traballo está feito», resume.
O rexedor relata que nestes catro anos leváronse a cabo moitos proxectos para humanizar os núcleos de poboación, cambiando o pavimento deteriorado por outro máis atractivo como lastros. Un traballo que se continuará nos próximos anos. Polo Partido Popular preséntase José Antonio Paz Prieto e por VAI-TA, Xosé Antón CalviñoMartínez .