O concello da comarca do Carballiño é parada obrigada da Vía dá Prata
01 ene 2023 . Actualizado ás 05:00 h.Os emblemas de San Cristovo de Cea son o mosteiro de Santa María A Real de Oseira e o pan. Trátase de dous indispensables para calquera persoa que se achegue a este municipio. Pero hai máis. Este concello da comarca do Carballiño garda outros recunchos de especial importancia polo seu conxunto arquitectónico e polo seu valor natural.
SANTA MARIA A REAL
Mosteiro. Da orde do Císter, este Ben de Interese Cultural é unha da xoias de Galicia. Ao longo da súa historia —os primeiros monxes chegaron en 1137— o inmoble sufriu continuas transformacións. Momentos de auxe e de declive que levaron ao seu abandono total. Foi a mediados do século XX cando o bispo Florencio Cerviño González decidiu recuperalo instalando a un grupo de monxes cistercienses o 15 de outubro de 1929. En 1966 comezou a súa verdadeira transformación ata converterse na xoia que é hoxe. Segue habitado por monxes e os horarios de visita, que son guiadas, son de 10.30 a 12.00 e de 16.00 a 17.30 horas.
PAN DE CEA
Un tesouro gastronómico. A orixe da tradición panadeira foi paralela á historia do monxes de Oseira. Nunca abandonaron a moenda e a panificación. Elabórase con fariña de trigo, o 50 % é do país e engádese auga potable e sal. Para a súa fermentación úsase masa nai que provén dunha elaboración anterior. No amasado está, tamén, parte do seu éxito. Ten Indicación Xeográfica Protexida. En certas épocas do ano, o Concello organiza visitas aos vellos fornos para ensinar aos visitantes o traballo.
LONGOS
Conxunto arquitectónico. Na parroquia de Santa Baia de Longos, moi preto da súa igrexa, atópase un conxunto de hórreos especial, un total de seis. Un deles, o máis peculiar, ten seis pés. Acompañan a estas construcións un pombal, unha fonte, un lavadoiro, un cruceiro e a reitoral ou denominada casa dos monxes.
SAN BIEITO DE MARAÑAO
Capela. Centos de romeus reúnense cada marzo na igrexa de San Bieito de Marañao. Xunto a ela poder visitar a ponte medieval que leva o nome do río, reconstruído fai poucos anos. Neste concello destaca, tamén, a igrexa da Virxe da Saleta. Alí celébrase todos os anos a Festa do Pan de Cea, xa que conta cunha ampla carballeira. Outro templo importantes é o de San Pedro de Mandrás, localidade na que tamén hai unha ponte medieval, Ademais, todas as parroquias contan con cruceiros singulares.
ÁREA RECREATIVA
Freás de Canda. A zona de lecer atópase rodeada dun bosque cheo de castiñeiros e carballos xunto ao xunto ao río Silvaboa, na localidade de Freás de Canda. Hai un vello muíño de auga e construíuse unha piscina artificial para o goce dos veciños e visitantes. O Silvaboa forma parte da ruta dos tres ríos, xunto ao Mirela-Oseira e ao Arenteiro. A ruta é de dificultade moderada —ten 18,3 quilómetros— e comeza e remata na praza Maior de Cea. Destaca o seu interese natural e paisaxístico e as pontes singulares que se teñen que cruzar ao longo do trazado.
VÍA DÁ PRATA
Dúas rutas. O Camiño de Santiago desde Cea ofrece dúas posibilidades que levan á seguinte parada: Dozón, a través da Vía dá Prata. O máis curto pasa por Piñor e o segundo fai parada no mosteiro de Oseira e é dunha maior dificultade polo seu trazado.