O conselleiro do Mar acompañou aos veciños que se achegaron ao camión de comidas para probar algunhas das degustraciones
06 nov 2023 . Actualizado á 05:00 h.A campaña Galicia sabe Amar recalou esta fin de semana na localidade ourensá de Porqueira. Esta iniciativa gastronómica que quere pór en valor os produtos do mar galego, que está a pasar por varios municipios galegos nun camión de comidas, fixo parada na vila ourensá, o que permitiu aos veciños do municipio probar algunhas das delicias gastronómicas que forman parte da campaña.
Ata Porqueira se desprazou o propio conselleiro do Mar, Alfonso Villares, que estivo acompañado da conselleira de Promoción do Emprego, Elena Rivo, e da alcaldesa Susana Vázquez. Vilares aproveitou para destacar a importancia da realización deste tipo de accións de promoción dos produtos pesqueiros á vez que enxalzou a calidade excepcional do peixe e do marisco das rías da comunidade autónoma, instando a que sexan parte dunha dieta saudable e equilibrada que contribuirá a elevar a calidade de vida dos seus consumidores.
Con este paso Porqueira únese á listaxe de localidades polos que foi parando un proxecto que está a percorrer todo o territorio galego e no que xa participaron máis de 270.000 persoas superándose o milleiro de degustacións dos seus petiscos.