Yolanda García está á fronte do servizo
05 ene 2024 . Actualizado ás 05:00 h.Parada de Sil xa conta cunha Casa do Maior, un servizo impulsado por Yolanda García, unha veciña da aldea de Sacardebois. O proxecto sae adiante coa axuda da Xunta e permitirá que os maiores poden estar atendidos nun centro especialmente deseñado para eles. Para darse a coñecer, García organizou unha xornada de portas abertas que congregou a numerosos interesados.
A Casa do Maior está situada en Vilar e conta con cinco prazas. O horario inicial será de 9.00 a 17.00 horas, existindo a posibilidade de que os usuarios leven a súa propia comida ou coman a que ofrece o centro (abonando unha cantidade aínda por determinar). García tamén ofrece un servizo de transporte a domicilio, para recoller e levar de volta a casa aos usuarios, neste caso gratuíto. Na Casa do Maior organizarán actividades diarias, acordes ás posibles patoloxías que sufra cada un dos maiores.
O alcalde, Aquilino Domínguez, congratúlase da iniciativa. Di que o concello está de parabén pola posta en marcha do novo servizo.