Pablo Piñeiro presenta a gala da asociación Por Eles TEA que se celebra este sábado no Auditorio
11 abr 2024 . Actualizado ás 17:47 h.O actor, escritor e deportista galego Pablo Piñeiro sera o encargado de guiar este sábado a partir das 18.30 horas a segunda gala organizada pola asociación Por Eles TEA para concienciar sobre a realidade de as persoas con trastorno de espectro autista. Trátase dun festival que este ano conta con actuacións da Escola Estudo Repenica, a banda Tango & Cash, as escolas de baile Catro Pasos e Tics e o Coro Universitario do campus de Ourense. A entradas para esta cita na que o bo humor e a solidariedade únense á música e a danza, poden conseguirse a través de Ataquilla.com e o seu custo é de 8 euros. Hai tamén posibilidade de colaborar na fila 0 a través da conta: É90 2100 4147 8922 0011 3712. Durante o desenvolvemento da gala sortearase un lote de produtos Eroski, dous vales de produtos de Rocholl e dúas estancias no Hotel Oca Vila de Allariz , así como unha botella Magnum de viño Oryctes de David Varra da DO Ribeiro. Trátase dunha botella moi especial, cunha pintura a dedo de Natalia Vas realizada ex profeso para a ocasión. Ademais tamén estarán á venda exemplares do libro «Corazóns de papel» de Pablo Piñeiro quen doará o que se recade á asociación. Ademais dos xa citados tamén colaboran coa iniciativa as empresas Coren, Galfor, Mur Marxinal, Impervegal, o Centro Comercial Ponche Vella, Madeiras Rubén, A Zapatería do Avó e Hotel Altiana.