O 73 % das augas superficiais e o 67 % das subterráneas da conca hidrográfica Miño-Sil están en bo estado
OURENSE CIDADE
A CHMS reuniu aos órganos colexiados para analizar informes de execución de medidas e do plan de seca
29 feb 2024 . Actualizado ás 05:00 h.Os órganos colexiados da Confederación Hidrográfica Miño Sil (CHMS) reuníronse en Ourense convocados polo presidente do organismo estatal, José Antonio Quiroga. Os membros da Junta de Goberno, do Comité de Autoridades Competentes (CAC) e do Consello da auga coñeceron o último informe do plan hidrolóxico que estivo en vigor ata xaneiro do 2023. Desde ese mes está vixente o plan 2022-2027. Segundo a última avaliación, 204 masas de auga superficiais, de 279, estaban en bo estado. Supón máis dun 73% do total. En canto ás augas subterráneas, o 67 % estaban ben e dous atopábanse en mal estado. Informouse de que o programa de medidas de competencia estatal supera o 60 %.
A Junta de Goberno coñeceu o informe de seca do período febreiro-decembro 2022 e informouse sobre o estado de tramitación do novo plan de seca. A este presentáronse 80 observacións e propostas durante o período de consulta pública.