As celebracións relixiosas retoman a normalidade tras a pandemia
15 abr 2022 . Actualizado ás 19:39 h.Os pasos procesionais volven percorrer as rúas das principais vilas ourensás esta semana Santa do 2022. Tras dous anos de limitacións polo covid que condicionaron esta celebración relixiosa, as parroquias recuperan as tradicións singulares vinculadas a esta festa relixiosa na provincia de Ourense e os templos énchense de novo de fieis. Aquí repasamos as principais citas, cos seus horarios.
Venres Santo
Ourense. Ás 21.00 arrinca a procesión do Santo Enterro, con nove pasos participantes.
O Carballiño: Ás 22.00 horas será o vía crucis procesional.
O Barco de Valdeorras. Ás 22.00 horas terá lugar a procesión dos carafio no Castro.
Verín: Ás 20.00 horas, o sermón do desencravo, dando paso á procesión do Santo Enterro.
Celanova: Ao redor das 19.30 horas celébrase o desencravo e trasládase o cristo articulado á urna. Seguidamente empeza a procesión que sae da praza Maior. Participan cinco pasos.
O Bolo. Ás oito, procesión da Soledad .
A Pobra de Trives. Ás nove, oración ante a cruz e ás dez, procesión da Soledad . Pídese aos fieis levar veas e fachos e iluminar as fachadas.
Sábado Santo
Ourense. A procesión da Soledad , tamén coñecida como dos Caladiños, iníciase ás 7.00 horas desde a parroquia da Santísima Trindade, con estación na catedral antes de regresar á igrexa de orixe. Ás 10 da mañá repítese o Oficio de Lecturas e Laúdes e ás 21.00 horas ábrese a Vixilia Pascual na catedral.
O Carballiño: Ás 20.00 horas, no templo da Veracruz, celébrase a vixilia pascual. Durante a mesma realizarase a bendición de lume, a luz e a auga bautismal.
O Barco de Valdeorras. Ás 9.30 horas haberá viacrucis na igrexa de San Mauro. Ás dez da noite será a procesión da Soledad desde a igrexa de San Mauro.
Verín:ás 21.00 horas terá lugar a solemne vixilia pascual na Igrexa Parroquial.
Ribadavia: Ás 22.00 horas na igrexa de San Domigos haberá vixilia pascual
O Bolo. Ás 21.30 horas, misa da vixilia pascual nas Ermitas.
A Pobra de Trives. Ás oito, vixilia pascual.
A Rúa de Valdeorras. A procesión da Soledad sairá ás nove desde a igrexa de Santo Estevo na Rúa Vella.
Domingo de Pascua de Resurrección
Ourense. Ás 11.30 iníciase a procesión do Encontro que sae de Santa María Nai cara á catedral, onde se celebra a misa de Pascua e o bispo Leonardo Lemos trasladará aos fieis a bendición papal. Ás 13.00 horas regresa a procesión á igrexa de Santa María Nai.
O Carballiño: Ás 12.30 horas no tempo da Veracruz celébrase a pascua do señor.
O Barco de Valdeorras. Ás doce será a procesión da Resurrección do Señor.
O Bolo. Á unha, procesión do Encontro e misa solemne nas Ermitas.
A Pobra de Trives. Ás doce, eucaristía.
A Rúa de Valdeorras. Os fregueses poderán gozar da misa de resurrección do Señor. Será ás 10.00 horas en Roblido e ás 11.45 na igrexa de Santo Estevo na Rúa Vella, desde onde sairá a procesión do Encontro do Resucitado