Atopouse o seu coche preto da localidade de Videferre
18 ene 2024 . Actualizado ás 20:09 h.Desde o domingo 14 de xaneiro búscase en Oímbra a un home de nacionalidade portuguesa. A Garda Civil foi quen pasou o aviso da desaparición, ás oito da mañá, ao 112 Galicia. O seu vehículo foi atopado preto da localidade de Videferre, en Oímbra. No dispositivo colaboran membros de Protección Civil, de Oímbra, Verín, Cualedro e Monterrei. Ademais, a Axega sumou a súa unidade de drones para achegar unha nova perspectiva e cubrir máis terreo. Desde este xoves, o Grupo de Apoio Loxístico da Axega especializado no manexo de drones sobrevoa a zona para localizar ao desaparecido.
A persoa á que se busca é Joãou Manuel Teixeira Magalhãé, alcumado profesor Malaias, moi coñecido na zona de Montalegre e Chaves, onde ten familia e ex alumnos, que agardan con preocupación noticias positivas. O desaparecido foi profesor, adestrador e xogador de fútbol.