O Pereiro de Aguiar terá un novo aparcadoiro ao lado da casa do concello
OURENSE
O PEREIRO DE AGUIAR
O Concello tamén tirou dúas vellas paradas de autobús para loitar contra o feísmo no municipio
04 sep 2023 . Actualizado á 05:00 h.O Concello do Pereiro de Aguiar acaba de iniciar as obras de construción do novo aparcadoiro e humanización na contorna da casa do concello. A actuación execútase coa colaboración da Xunta de Galicia. Tamén proseguen coa loita contra o feísmo e esta semana pasada derrubaron dúas vellas paradas de autobús e que nos últimos anos foran vítimas de pintadas e actos vandálicos. Serán substituídas por dúas novas. O obxectivo,segundo indicaron fontes municipais, é ir «pouco a pouco» acabando con estes casos.
O goberno dirixido polo popular Luis Menor tamén anunciou avances na recuperación do patrimonio etnográfico, como é o caso de recuperación de fontes e lavadoiros ou a mellora de áreas recreativas.