O Centro de Información á Muller do Pereiro duplicou a súa actividade o ano pasado
O Pereiro de Aguiar
Preto de setenta persoas foron atendidas por violencia de xénero
31 ene 2023 . Actualizado ás 05:00 h.O Centro de Información á Muller do Pereiro de Aguiar duplicou no 2022 a súa actividade atendendo preto de setecentas consultas. Desde o Concello destacan que se trata dun servizo totalmente asentado e moi ben valorado polos veciños, que tamén axuda a persoas de Esgos , Nogueira de Ramuín, Paderne de Allariz, Parada de Sil e A Teixeira.
A maior parte das consultas tiveron que ver con asistencia xurídica, seguida da atención psicolóxica. Preto de setenta delas están relacionadas coa violencia de xénero. Entre outras actividades, o centro organizou un curso de competencias dixitais e de defensa persoal.