Piden unha ambulancia medicalizada con soporte vital avanzado para Valdeorras
O Barco de Valdeorras
O BNG reclama a súa inclusión no novo concurso de transporte urxente que prepara a Xunta
04 oct 2023 . Actualizado ás 17:46 h.Nunha urxencia médica os tempos son vitais. Xa nos anos 60, o doutor Adams Cowley falou da hora dourada que hai entre a vida e a morte. E é un concepto que o pasado mes de maio fixo seu a Dirección Xeral de Tráfico e que agora recupera o BNG do Barco para reclamar a creación dunha base medicalizada no distrito sanitario de Valdeorras. O momento é agora, aseguran os nacionalistas, porque a Xunta está definindo as bases do próximo concurso de transporte urxente.
Piden crear unha base con ambulancia de soporte vital avanzado, con persoal e material necesario para prestar asistencia sanitaria en calquera lugar e asistilos no traslado a un hospital.
O BNG pedirá o apoio do pleno do Barco para instar a Consellería de Sanidade a contemplar a creación desa base no novo concurso.