A festa será o sábado en a praia fluvial do Barco de Valdeorras
28 sep 2023 . Actualizado ás 05:00 h.Sábado 30 • Desde as 17.30 horas • Praia fluvial do Barco de Valdeorras • De nai a nai cumpre dez anos sendo unha asociación de referencia para as nais, sobre todo as primerizas, na comarca de Valdeorras. E para celebrar a efeméride organizaron unha festa aberta a todo o mundo. Será o sábado a partir das 17.30 horas na praia fluvial do Barco. O programa comeza cun taller infantil de arte. Ás sete será a quenda de Guti Malabarista, cun espectáculo que seguro consegue encandear a nenos e maiores. Ás oito está prevista unha sesión de contacontos e despois comezará a jam session que De nai a nai organiza en colaboración con Amava. A asociación de música alternativa de Valdeorras estará representada polos grupos: Maldita Carolain,? Blue Thunder, O Patio de Leni
e The Jurassic Cracks. Tamén actuarán de xeito conxunto Nerea, Aldara e Joana.
No lugar da festa haberá postos de comida e bebida con prezos populares, aseguran desde a organización.