The Soulers, Levitants e Karavana tamén actúan na xornada do venres do festival
22 jul 2022 . Actualizado á 16:39 h.Hoxe e mañá • O Barco de Valdeorras • 25 euros por día • O SilFest de Valdeorras é xa unha realidade despois de que este xoves inaugurasen a cita Fátima Delgado ou o Mad Martin Trío. Agora empeza un dos días fortes. Desde as 13.30 horas a música oirase ben forte desde a praia fluvial do Malecón. Abre a sesión vermú The Soulers e a partir das 21.15 horas sucederanse os concertos de Karavana, Levitants, Anabel Lee e, para pechar, unha sesión disyóquey a cargo de Eme Dj.
O prato forte do día son os Corizonas, que tocarán ás 22.30 horas. Haberá literatura no espazo dedicado a Florencio Delgado Gurriarán; tamén cata de viños e un posto de maquillaxe festivalero. Mañá será a quenda para un dos artistas máis agardados da edición: León Benavente. Aínda hai entradas dispoñibles, tanto na web como en despacho de billetes.
