O CCA do Barco sortea vales de compra para animar as compras do Día da Nai
O Barco de Valdeorras
Os clientes recibirán como regalo unha planta polas súas adquisicións os días 29 e 30
20 abr 2021 . Actualizado ás 15:25 h.O CCA do Barco de Valdeorras quere animar a compras polo Día da Nai cunha campaña de agasallos. Todos os clientes que adquiran un agasallo os días 29 e 30 recibirán unha planta como obsequio; e ademais entrarán no sorteo de dous vales de compra por valor de 100 euros para investir no comercio e a hostalería local.
Para recoller os boletos que participarán no sorteo, instalarase un posto na praza do Concello os días 29 e 30 (de 11.00 a 13.30 horas). Ao depositar o billete será cando se lles entregue a planta, ata esgotar existencias.
O luns 3 ás 13.30 horas celebrarase o sorteo dos vales de compra. Para que as compras da tarde do venres poidan participar, os establecementos poderán gardar os billetes e depositalos na sede do CCA antes do sorteo. As dúas persoas agraciadas deberán recoller os seus vales o martes, en horario de dez a dous ou de catro a sete.