O nacional de Barco Dragón 500 metros trasládase a Verducido ao denegar a Confederación o permiso por unha alerta sanitaria de nivel un por posibles cianobacterias no encoro
12 sep 2025 . Actualizado á 05:00 h.O Campionato de España de Barco Dragón 500 metros non se celebrará en Muíños o 20 e 21 de setembro como estaba previsto. A Federación Española de Piragüismo (RFEP), tras a petición da súa homónima galega, acordou o cambio de localización ao Complexo Deportivo David Cal, de Verducido (Pontevedra). O cambio de sede débese á retirada da autorización da Confederación Hidrográfica do Miño-Sil por unha alerta sanitaria de nivel un, por tendencia a proliferación de cianobacterias nese encoro, aínda que non prohibe o baño pois os efectos sobre a saúde son baixos. A Fegapi barallou como primeira opción Castrelo de Miño —onde hai unha alerta similar— pero había unha competición de vela nesa data.