![](https://img.lavdg.com/sc/gIaURUjrfpPWaNwqDRKzjI9qgnI=/480x/2024/06/12/00121718213281786947916/Foto/O_20240612_190724000.jpg)
Os traballos incluirán a renovación da carpintería ou a pintura
14 jun 2024 . Actualizado á 05:00 h.A Xunta de Galicia achegará 45.000 euros á residencia municipal de maiores de Muíños para diferentes melloras. A conselleira de Política Social e Igualdade, Fabiola García, garantiu o apoio económico ao centro tras reunirse co tenente de alcalde, Israel León, e a concelleira de Servizos Sociais, Montserrat González.
Os traballos inclúen a renovación das carpinterías interior e exterior, o revestimento da fachada, a pintura, a substitución do firme e a urbanización exterior. Este novo convenio será o terceiro nos últimos anos da Consellería co Concello de Muíños para reformas na residencia. Os dous anteriores suman un importe de 265.000 euros e permitiron a ampliación das instalacións así como a mellora da súa accesibilidade e equipamento. Ademais, a Xunta tamén colaborará no desenvolvemento de programas de envellecemento activo e saudable.