Os pequenos son os encargados de abrir a cita
29 ene 2024 . Actualizado ás 17:51 h.En Verín empezan a debullar o programa de entroido deste ano. O CRA Monterrei foi o encargado de deseñar o cartel oficial que representará ao desfile infantil, que percorrerá durante a mañá do xoves de comadres as rúas e prazas da vila do Támega. Os representantes dos centros educativos que participan no desfile foron os que decidiron, por unanimidade, que o deseño debía ser realizado polo colexio responsable da apertura do desfile, que este ano será o centro rural agrupado.
Participarán os colexios de Castrelo do Val, Vilardevós, Princesa de España, Amaro Refojo, Medeiros, Vendas dá Barreira e Augusto Assia; as garderías da Mezquita, Pai de Riós e o centro público rural Inmaculada; casa niño de Albarellos, Cualedro, Castrelo do Val, Vilardevós, Pepín, Vences, Retorta e Vilaza; o CRA Monterrei, o CPA Mercedarios e os IES García Barbón e Taboada Chivite.