O club do Cardenal Quiroga rendeu outra nova homenaxe a Marcos Movilla despois dos seus numerosos éxitos no mundo do parakárate
04 mar 2024 . Actualizado á 05:00 h.Marcos Movilla xa é un deportista ben coñecido en Maceda, onde forxou as súas habilidades para o kárate adaptado no club local. O club de fútbol da vila tamén lle transmitiu outra mostra de cariño, polas súas recentes actuacións a nivel nacional e os seus éxitos. O internacional compite en categoría para deportistas con discapacidade motriz, na cal logrou subir ao podio cos mellores do país.
O Maceda aproveitou a visita do Barbadás B para que o parakarateca volvese recibir a calor dunha afección que xa o recibiu noutras ocasións e que esta vez aplaudiuno antes dun partido da Primeira Galicia, saldado con táboas (1-1) entre dúas escuadras que están a encarrilar os seus obxectivos para a presente campaña.