Un incendio saltou desde un coche a unha vivenda de Toro , en Laza, que resultou devastada polas chamas
LAZA
O vehículo acababa de aparcar preto do inmoble cando empezou a arder
25 novs 2023 . Actualizado ás 16:55 h.O incendio dun vehículo propagouse a unha vivenda de Toro , en Laza, que resultou devastada polas chamas, segundo informa o 112. O suceso ocorreu pouco antes das dez da mañá no centro desa localidade, á altura do número 59. Ata o lugar desprazáronse o GES de Laza, con dous autobombas, e dúas ambulancias, e posteriormente, os bombeiros de Verín. .
O coche acababa de aparcar ao lado do inmoble, cando empezou a arder, especifica o 112. A casa estaba deshabitada, precisaron fontes da intervención, e non houbo feridos a causa do incendio. Con todo, a propietaria do inmoble necesitou asistencia médica por unha crise nerviosa.
Os equipos de urxencias controlaron a situación, para evitar que se propagase a outras vivendas. Seguen traballando no lugar ata a completa extinción. A casa afectada quedou en estado irreparable, segundo o 112.