O musical está inspirado no poema de Manuel Curros Enríquez
03 jul 2025 . Actualizado á 20:34 h.«Unha noite na eira do trigo», o musical que mestura música, teatro e cine, chega este venres (21.00 horas) ao claustro do mosteiro de Celanova. O espectáculo está inspirado no poema de Manuel Curros Enríquez e na famosa canción dOs Tamara. A banda sonora corre a cargo da orquestra A Ocaband e a participación da voz de Chápelo (grupos Solano e Solara). O actor Pepo Suevos é o narrador do musical xunto a Ruth Núñez. Ademais conta cun veterano e grande da interpretación, Manuel Manquiña. Pepo Suevos cualifica este musical «como os que fan en Brodway» pero «á galega» e anima a acudir a veciñas e veciños dela comarca de Celanova a acudir á cita.
Este traballo está dirixido por Xoán Manuel Paradela (musical), Daniel Dopazo (artístico) e Carlos Alleres (creador e produtor audiovisual).
Ao longo de 90 minutos pódese gozar de diversas cancións dOs Tamara, mesturadas con cine e teatro que contan historias de tres xeracións diferentes de galegos.