Rescatan a un home que caeu co seu coche por un terraplén en Carballeda de Avia
OURENSE
CARBALLEDA DE AVIA
Os bombeiros do Carballiño tiveron que socorrer a un ancián que se saíu co seu vehículo da estrada
10 may 2022 . Actualizado ás 21:28 h.Un condutor saíuse da vía cando conducía pola estrada que vai de Ribadavia a Carballeda de Avia. Ocorreu este martes pola tarde á altura da parroquia de Santo Estevo de Nóvoa. O home era o único ocupante do vehículo. Caeu uns tres metros por un terraplén e o coche quedou envorcado lateralmente sobre o lado do piloto. Para rescatalo fixeron falta varios profesionais do equipo de Bombeiros do Carballiño e tamén de Protección Civil de Carballeda de Avia.
O home roldaba os oitenta anos e houbo que excarceralo do interior do seu coche. Aínda que en todo momento estivo consciente, foi trasladado en ambulancia ao Hospital de Ourense para descartar calquera posible contusión ou dano derivado do accidente.
